Wednesday, September 27, 2006

BELEN

(Carine Era Mozo Asutilla)

Nahuman na nako’g sanggot
Ang mga butong sa among ba-ol

Nahurot na nako’g sawom
Ang mga takobo sa dagat

Nahubsan na ang tabay
Nga akong tigkawsan

Nangabugto na ang kwerdas
Sa akong gitara

Apan hantod karun
Wala pa gihapon ko’y naani

Unsa pa ma’y kuwang?
Unsa pa ma’y nakahaw-ang?

Sa akong pag-uli Belen
Wala na ko’y laing ikabilin

Kung dili ko nimo sugton
Ay! ambot lang!

Sakto lang tingali’g ako nang tapuson
Ang kinabuhi ning imong si Dondon

No comments: