(Carine Era Mozo Asutilla)
Tingali...
kung dili clokwise
ang paglibot sa kalibutan
sa nagbagang adlaw
mahimo pa...
nga nagkaila ta
sa wala pa siya.
Siguro...
kung dili pa mahilis
ang asukar nga gikutaw
sa init nga tubig
pwede pa...
nga muhawid sa imong kamot
muhalok sa imong aping ug ngabil,
kay wala pa siya.
Kung unsa katam-is
ang matag higayon
diha sa imong tupad...
mao usab ang ka-apa
sa kamatouran...
nga ikaw, dili ma-ako
ako, dili ma-imo.
Sama sa balas sa baybayon
nga sa balod duawon,
ako magpa-anod.
Sama sa mga dahon
nga sa hangin isangat sa panganod,
ako mupahilayo.
Apan ikuyog ko ang pamasin
nga sa langit...
tingali...
ako ug ikaw.
Subscribe to:
Post Comments (Atom)
No comments:
Post a Comment