Carine Era Mozo Asutilla
*kamudtong katin- ika-pitong subang sa buwan, diin tanan lami nga mga isda musuhot aning panahuna, lamig sud-an ang mga taga isla.
Pebrero na.
Ika-pitong subang
sa halangdong buwan.
Madan-agan ko
ang kaputi sa imong tangkugo
nga angayan gyud
muduko, muhangad,
ug mulingolingo.
Masimhot ko usab
ang nagsagol
nga kaisog ug katam-is
sa imong pahumot.
Ania ako karon
sa imong kiliran,
ilawom sa libohong bituon
sa pangandoy,
gikuyugan ko ikaw sa pagpa-abot
sa tawong imong gitugyanan…
sa lamdag mong nawng,
sa baga ug itomon mong buhok,
ug sa kabus-ok sa imong mga bukton.
Samtang padayon ta sa pagpa-abot,
padayon usab nga gitisok ko
ilawom sa akong kubal ug panit…
nga tanan, mahitungod kanimo,
usa kadakong kumbira
nga dili ko na mahimong tambungan.
Subscribe to:
Post Comments (Atom)
No comments:
Post a Comment