(Carine Era Mozo Asutilla)
Abi nako...
Mura ka'g duyanan
Sa ilawom sa punuan
Sa udtong tutok;
Nga kung itabyog ko
Uban sa hangin,
Maako ang kalibutan.
Apan...
Kaangid mo diay
Ang kabangis sa dagat;
Mga balod nga muhapak,
Daw makapahuyang sa pangpang.
Abi nako...
Parehas sa duyanan,
Kung mabugto masumpayan
Gani mailisan.
Apan...
Dagat ka diay,
Lawom makalumos
Gani sa samad hapdos.
Subscribe to:
Post Comments (Atom)
No comments:
Post a Comment