LOVE IS BUTA

By: Carine Era Mozo Asutilla

Boy: Nakakita na ka’g bangaw?
kanang bangaw sa kagabhion?
Nakakita na ka’g uwak?
kanang uwak nga puti bitaw?
Nakakita na ka’g uwan?
kanang uwan nga kolor purple?
Nakakita na ka’g ulmigas?
Kanang ulmigas mukao’g elepante?
Kanang lumod nga mu-boogie?
O kaha wati...
nga mukao’g puthaw?
Sure ko wa’ pa!
Pero kung imo kong higugmaon gang...
Tanang wa pa nimo makit-i
Imong makit-an.
Girl: Nakakita na kog bangaw
Apan sa adlawan.
Nakakita na ko’g uwak
Apan itom siya.
Nakakita na ko’g uwan
Apan wa'y kolor.
Nakakita na ko’g ulmigas
Apan di mukao’g elepante.
Nganong mangita man ko’g wa?
Ug basin nakalimot ka dong...
Ang gugma buta.